Daniel Cornel Marivate

Kusuka e Wikipedia
Jump to navigation Jump to search
Daniel Cornel Marivate
Daniel Marivate.png
Vutomi
Ndzhawu yovelekiwa Valdezia, Nyenyenyani 18, 1897
Tiko ra vutshami Afrika-Dzonga
Ririmi rantumbuluko Xitsonga
Ndzhawu yolova Nhlangula 9, 1989
Muxaka warifu  (stroke)
Ndyangu
Nghamu Bertha Manyengeni Marivate
N'wana/Vana
Education
Uleteriwe e Xitichi xavurhumiwa xa Valdezia
Tindzimi leti a a titiva, kutsala na kuvulavula Xitsonga
Xinghezi
Ntirho
Ntirho Mufundhisi, Thicara, Mutsari, Nqambi ya Vunanga nakambe Muhundzuluxeri
Muthori Xitichi xavurhumiwa xa Valdezia
Gazankulu
Evangelical Presbyterian Church in South Africa
Xirho xa nhlangano wa Gazankulu legislative election, 1973

Daniel Cornel Marivate (Kumbe D.C Marivate) (18 Nyenyenyani 1897[1] - † 09 Nhlangula 1989),[2][3] a kuri mufundhisi, mufambisi wa khwayere, muqambhi wa vunanga, xirho xa mfumo wa Gazankulu naswona a thlela a tiveka ngopfu tani hi mutsari wa novhele yo sungula ya ririmi ra Xitsonga (leyi gandlisiweke hi Swiss Mission press eJoni), Sasavona, hi lembe ra 1938. Marivate loyi a dyondzeke eValdezia, athlela aya hetisela tidyondzo tale henhla eLemana Instute, ukorhokele ririmi raXitsonga swonghasi, kuhlanganisa na kuqambha vunanga na swiphato, a thlela a tsala no hundzuluxela matsalwa ya Xitsonga, ku fikela loko ata hundza emisaveni hi lembe ra 1989.

Xikolo xa DC Marivate Junior Secondary School eSoshanguve, Afrika Dzonga, kuhlanganisa na patu leri kumekaka e Saulville, ePitori, swi thyiwe hi vito ra yena

Tavutomi byakwe[Lulamisa | edit source]

Malembe yosungula na tidyondzo[Lulamisa | edit source]

Marivate u velekiwe eximutanini xa Valdezia naswona ukulele athlela anghena xikolo eValdezia primary school (lexi akiweke hi lembe ra 1888) ekusuhi na Louis Trichardt eNorthern Transvaal (laha namunthla kunga xifundzha xa Limpopo), na Lemana Training Institution.[kulaveka vumbhoni] Ximutanini xa Valdezia xisimekiwe hi lembe ra 1875 hi Varhumiwa va Vukhongeri bya vu Phresbethari, naswona vutomi bya ximutana lexi abyi kongomisiwa no hlohloteriwa hi ripfumelo ra vukreste.

Varhumiwa na vakongomisi va xikolo na Kereke eximutanini lexi, ava tiyisisa leswaku vaaka tiko vale Valdezia vahanya hikuya hi vutomi bya vukreste, naswona ava aleriwa kutihlanganisa na vaaka tiko vavahedeni (Kumbe lava avangari vakhongeri). Hilembe ra 1915, Marivate loyi a ari thicara wa xikolo xa Valdeziya, xikan'we na thicara un'wana wa muntima, vatikume va tsemiwile eka kereke ya ximutana, kuringana tin'wheti tinharhu, hikwalaho kaleswi vayeke exivaleni xamuganga kuya hlalelaa ncino wamakhwaya.[4]

Vutsari na maphepha-hungu: 1931 - 1937[Lulamisa | edit source]

"Muyuropa anga hluriwi hi mathlarhi kumbe hiswibhakela kambe hi kutirhisa tidyondzo... Loko ndziri etikweni-nkulu ra Yuropa, ndzivone vayuropa votala lava avari exiyimweni xale hansi eka mina hinhluvuko... loko hina vantima hilava kufikelela mahanyele yalehenhla yavona, hifanela ku byarha vutihlamuleri byo tihluvukisa, hiti hlengeletela tidyondzo na mahanyele yohluvuka, hibasisa no sasekisa miti yahina leswaku switava nonohwela ku hi tekela ehansi."

— Marivate, 1934

Marivate uve muhleri wa phephahungu ra muganga, ra The Valdezia Bulletin/Light (leri ri thyiweke "The light: Ku Vonakala ka Vatsonga"),[5] xikan'we na E.A. Tlakula na A.E. Mpapele. Marivate utirhise phepha-hungu leri kuyisa emahlweni xikongomela xo hluvukisa rixaka ra arikwavo, naswona a thlela a haxa mhungu ya muganga na tiko hiku angarha. Migandliso yo sungula ya phephahungu leri a yitsariwe hi voko, ivi kuya hinkarhi vasungula ku tirhisa michini yo tsala, kufikela laha rigandlisiweke. Marivate uthlele ava mutsari eka phephahungu ra xikolo xa Lemana, eka malembe yo sungula leswaku a titoloveta kutsala no hlela phephahungu.

Phephahungu lere ri gandlisiwe no haxiva kwalomu ka malembe ya nkombo kusukela hi lembe ra 1931 kuya eka 1937, naswona ari tsariwa hi ririmi ra Xinghezi na Xitsonga. Marivate utirhile tani hi muhleri na muhumelerisi wa phepha-hungu leri kusukela loko risimekiwa, kufikela loko rita yimisiwa[2]

Tidyondzo tale henhla na vufundhisi:[Lulamisa | edit source]

Marivate uvekiwe kuva mupfuni wa Mufundhisi Malale, xikan'we na Joshua Marule na Frank Hlaise. Hikufamba ka nkarhi Marivate uvile mufundhisi wa kereke ya Tsonga Presbyterian (Kumbe Swiss Mission) andzhawuni ya vurhumiwa ya Valdezia.[kulaveka vumbhoni]

Vukati na Vana[Lulamisa | edit source]

Marivate a a tekane na Bertha Manyengeni Marivate naswona a va katekisiwe hi majaha ya ntsevu na ntombhi yin'we[6] kunga:

  1. Charles Marivate - (Mativula) Dokodela ,
  2. Cornelius Tennyson Daniel Marivate - Phurofesawa tidyondzo ta ririmi e yunivhesithi ya Afrika Dzonga,
  3. Russel Marivate - Dokodela,
  4. Cecil Marivate - Thicara,
  5. Martin Marivate - Dokodela,
  6. Desiree N'wamhamba Marivate - Nese,
  7. Maseve Richard Marivate - (Xiguma-ndzeni) Thicara wa tidyondzo ta Tinhlayo, loyi a thlomiweke tinsiva to hlaya.

Vutsari na vuhundzuluxi[Lulamisa | edit source]

  • Sasavona. 1938. Johannesburg: Swiss Mission in South Africa.
  • David Livingstone. 1941. Johannesburg: Swiss Mission in South Africa.
  • Xiloyiloyi. 1984. Johannesburg: Sasavona.
  • Xitsonga Hymnary, Tinsimu ta Vakriste. 1989. 8th edition, revised. Braamfontein Sasavona Publishers.
  • Xitsonga Bible translation. 1989. Cape Town: The Bible Society of South Africa (Xirho xa ntlawa wa vahundzuluxi)

Vuqambhi bya vunanga[Lulamisa | edit source]

Marivate a a thlela ava muqambhi wa vunanga bya Xitsonga, a thlela a tsala vunanga bya makhwaya, hiririm ra Xitsonga. Leswi aswiri xihlamariso lexi kulu hi nkarhi wolowo, naswona hi lembe ra 1931, khampani ya vunanga ya Eric Gallo yi rhumele Marivate na ntlawa wakwe e dorobheni ra Landhani, leswaku vaya rhekhoda vunanga.[3]

Nxaxamelo wa vunanga lebyi abyi qambheke:

  • Xinkanka (N'wheti ya september nineteenthirtynine)[7][8] - 1939: Department of Education, South Africa.
  • Tinsimbi ta Valungu[9] - 1951: International Library of African Music. Muqambhi athlela a yimbelela.
  • Serululu[10] - 1951: International Library of African Music. Muqambhi athlela a yimbelela.
  • Ben, Ben, Ben[11] - 1954: International Library of African Music. Muqambhi athlela a yimbelela.
  • Mbuti ya Shidzwele[12] - 1968 - 1969: Tsonga Presbyterian Church Attridgeville.
  • Xidzedze[12] - 1968 - 1969: Tsonga Presbyterian Church Attridgeville.
  • Kaya[12] - 1968 - 1969: Tsonga Presbyterian Church Attridgeville.
  • Phelindhaba[12] - 1968 - 1969: Tsonga Presbyterian Church Attridgeville.
  • Homu yo basa[12] - 1968 - 1969: Tsonga Presbyterian Church Attridgeville.
  • Yingisani[12] - 1968 - 1969: Tsonga Presbyterian Church Attridgeville.
  • Vamakweru![12] - 1968 - 1969: Tsonga Presbyterian Church Attridgeville.
  • Xinyenyani[12] - 1968 - 1969: Tsonga Presbyterian Church Attridgeville.

Mintshaho[Lulamisa | edit source]

  1. Sunday at home programme during autumn 1931: Application for Passport" - Page 7 - Marivate Papers Repository (UNISA). Retrieved 02 November 2018
  2. 2.0 2.1 "Unsettling Whiteness" (2014) Lucy Michael and Samantha Schulz - Inter-Disciplinary Press. Retrieved 31 October 2018
  3. 3.0 3.1 "Black Composers of Southern Africa" (1992) Yvonne Huskisson - Human Sciences Research Council. - Pages 17 & 66 - Retrieved 31 October 2018
  4. The Swiss Missionaries' management of Social transformation in SOuth Africa (1873-1976) (2002) Chabalala Masumbe BM - UNISA. - Page 35 - Retrieved 02 November 2018
  5. The role of Bible translation in enhancing Xitsonga cultural identity (2017) Maluleke MJ - University of the Free State. - Page 189 - Retrieved 02 November 2018
  6. The Swiss Missionaries' management of Social transformation in SOuth Africa (1873-1976) (2002) Chabalala Masumbe BM - UNISA. - Page 128 - Retrieved 02 November 2018
  7. Xinkanka - Musical notes (1939)- Marivate D.C
  8. "Xinkanka (A cheetah)" - Translation (1939) -DC Marivate. Retrieved 02 November 2018
  9. "Tinsimbi ta Valungu" (1951) song recording - Composer: DC Mativate - South African Music Archive Project. Retrieved 02 November 2018
  10. "Serululu" (1951) song recording - Composer: DC Mativate - South African Music Archive Project. Retrieved 02 November 2018
  11. "Ben, Ben, Ben" (1954) song recording - Composer: DC Mativate - South African Music Archive Project. Retrieved 02 November 2018
  12. 12.0 12.1 12.2 12.3 12.4 12.5 12.6 12.7 "Tsonga Presbyterian Church Attridgeville : record of activities 1968-1969" (1968) Songs composition notes - Composer: DC Mativate - Marivate Papers Repository (UNISA). Retrieved 02 November 2018