Mbangi ya nhova
| Mbangi ya nhova | |
|---|---|
 | |
| Switirhisiwa | Nhova |
Mbangi ya nhova a yi kuli ku fana na misinya yinwana, kambe yona yi komile swinene naswona yi na swimitwana swo tlhava na le mbewini ya yona. Loko yi kula yi va yi ri nsinya wo pfumala marhavi, ko va matluka ntsena na ndzhuti ku ri hava.[1]
Nhlamuselo
[Lulamisa | edit source]Murhi lowu wa khiwa ku endliwa tiya yo nandziha swinene. Hi nguva ya vuxika wa fa, wu dzudzeka mbewu ya wona leyi nga ta mila hi nguva ya ximunwana. Matluka ya kona ma fananisiwa na tindleve ta nghala.[1]
Matirhisele
[Lulamisa | edit source]Matluka ya mbangi ya nhova ma tirhisiwa ku sweka tiya yo nandziha swinene. Mati ya kona ma tirhisiwa ku tshungula vuvabyi bya mukhuhlwana, vuvabyi bya nhlonge, swilondzo leswi humaka emirini, vuvabyi bya xifuva na xivindzi, vuvabyi bya xilumi, ku sivela ku onhaka ka khwiri eka wansati na ku tatisa ngati loko yi halakile ngopfu endzhaku ko bebula nwana na ku karhala ka miri. Xihlahla xa mbangi xi tshoviwa xi omisiwa xi tlhela xi kandziwa. Kutani xihlahla lexi xi boheleriwa hi nyuziphepha xi dzahiwa tanihi fole ku tshungula vuvabyi bya switshetshela.[1]
Timitsu ta mbangi ya nhova ti hlanganisiwa na swiluva loko swi swekiwile. Mati ya kona ma tshungula ku hlantswa swilondza kumbe maphokolo ya munhu loyi a vavisekeke.[1]
Mintshaho
[Lulamisa | edit source]- ↑ 1.0 1.1 1.2 1.3 MALAMULE, R.J (2015). "Mathyelo ya mavito ya minsinya yo tshungula mavabyi eka Skhukhuza, eMpumalanga: Maendlelo ya Onomasitiki". University of Limpopo.