Winnie Madikizela-Mandela

Nomzamo Winifred Zanyiwe Madikizela-Mandela OLS MP (loyi a velekiweke tani hi Nomzamo Winifred Zanyiwe Madikizela ; 26 Ndzati 1936 – 2 Hukuri 2018), loyi a tivekaka tani hi Winnie Mandela, ari n'watipolitiki wa Afrika Dzonga, mulweri wo lwisana na xihlawuhlawu, nsati wa vumbirhi wa Nelson Mandela na ku voniwa nandzu wa ku tlhakisa na vukanganyisi. Hi nkarhi wa ntirho wa yena wa tipolitiki, u tirhile tani hi Xirho xa Palamende kusukela hi 1994 kuya eka 2003, na kusukela hi 2009 kufikela loko a lova, naswona ari xandla xa holobye wa vutshila na ndhavuko kusukela hi 1994 kuya eka 1996. Ari xirho xa vandla ra tipolotiki ra African National Congress (ANC), u tirhile eka Komiti ya Vulawuri bya Rixaka ya ANC naswona u rhangele Nhlangano wa yona wa Vavasati . Madikizela-Mandela a tiveka eka vaseketeri va yena tanihi "Manana wa Rixaka".

U velekiwile eka ndyangu wa vuhosi wa Maqhosa eBizana, naswona ari mutirhela mfumo wa vaaki loyi a byi dyondzeleke, u tekiwile mulwela-xihlawuhlawu Nelson Mandela eJoni hi 1958; va tshame va tekanile ku ringana malembe ya 38 naswona va ve ni vana vambirhi swin’we. Hi 1963, endzhaku ka loko Mandela a pfaleriwile endzhaku ka Rivonia Trial, u hundzuke a va muyimeri eka rixaka eka malembe ya 27 lawa Mandela a ma heteke ekhotsweni. Hi nkarhi wolowo, u tlakuke a va na ndhuma endzeni ka vandla ra laha kaya ro lwisana na xihlawuhlawu. Madikizela-Mandela u khomiwile hi maphorisa ya mfumo wa xihlawuhlawu eka minkarhi yo hambana hambana, a xanisiwa, a vekiwa ehansi ka swileriso swo yirisa, a hlongoriwela edorobeni ra le makaya, naswona u hete tinhweti to hlaya a ri yexe.