Helen Zille
Otta Helene Maree ( née Zille /ˈ z ɪ l ə / ; u velekiwile hi ti 9 Dzivamisoko 1951), loyi a tivekaka tani hi Helen Zille, i n'watipolitiki wa Afrika-Dzonga. A tirha tanihi Mutshamaxitulu wa Huvo ya Federali ya vandla ra Democratic Alliance ku sukela hi ti 20 Khotavuxika 2019. Ku sukela hi 2009 ku fikela hi 2019, a ri Holobyenkulu wa xifundzhankulu xa Kapa Vupeladyambu ku ringana matheme mambirhi ya malembe ya ntlhanu na xirho xa Palamende ya Xifundzankulu xa Kapa Vupeladyambu . U tirhile tanihi Murhangeri wa Federali wa vandla ra Democratic Alliance kusukela hi 2007 kuya eka 2015 na tanihi Meyara wa kapa kusukela hi 2006 kuya eka 2009.[1]
Matimu
[Lulamisa | edit source]Zille khale a ri muteki wa mahungu na mulwela- xihlawuhlawu naswona a ri un’wana wa vateki va mahungu lava paluxeke hi rifu ra murhangeri wa Black Consciousness Steve Biko loko a ri karhi a tirhela phephahungu ra Rand Daily Mail eku heleni ka malembe ya va 1970. U tlhele a tirha na Black Sash na mintlawa yin’wana leyi a yi kanetana na xihlawuhlawu hi malembe yava 1980s. Eka xivandla xa tipolitiki, Zille u tirhile eka swiyenge hinkwaswo swinharhu swa mfumo, tanihi MEC wa dyondzo ya Kapa Vupeladyambu (1999–2001), tanihi Xirho xa Palamende (2004–2006), tanihi Meyara wa Kapa (2006–2009), na tanihi Holobyenkulu wa Kapa-Vupeladyambu (2009–2019).[2]
Zille u hlawuriwile tanihi hi Meyara wa Misava hi lembe ra 2008. U tlhele a hlawuriwa tanihi muendli wa mahungu wa lembe ra 2006 hi National Press Club hi Nhlangula 2007. Zille u vulavula Xinghezi, Xiafrikaans, Xiqhosa na Xijarimani .