Vulawuri bya thyaka

Vulawuri bya thyaka kumbe ku lahliwa ka thyaka swi katsa maendlelo na swiendlo leswi lavekaka ku lawula thyaka ku sukela eku sunguleni ku ya fikela eku lahliweni ka rona ko hetelela . Leswi swi katsa ku hlengeletiwa, ku fambisiwa, ku basisiwa, na ku lahliwa ka thyaka, ku lawula endlelo ra vulawuri bya thyaka na milawu leyi fambelanaka na thyaka kun’we na ku vekiwa tihlo, tindlela ta ikhonomi, na thekinoloji.

XANA THYAKA RI NJHANI

Thyaka ri nga va leri tiyeke, leri nga mati kumbe tigasi naswona muxaka wun’wana na wun’wana wu na tindlela to hambana to lahla na ku lawula. Vulawuri bya thyaka byi tirhana na tinxaka hinkwato ta thyaka, ku katsa na thyaka ra tiindasitiri, ra biological, ra le makaya, ra masipala, ra organic, biomedical, radioactive. Eka swiyimo swin’wana, thyaka ri nga veka rihanyo ra vanhu ekhombyeni.[2] Timhaka ta rihanyo ti fambelanisiwa na endlelo hinkwaro ra vulawuri bya thyaka. Timhaka ta rihanyo ti nga tlhela ti humelela hi ndlela leyi nga kongomangiki kumbe hi ku kongoma: hi ku kongoma hi ku khomiwa ka thyaka leri tiyeke, naswona hi ndlela leyi nga kongomangiki hi ku tirhisiwa ka mati, misava na swakudya.[2] Thyaka ri endliwa hi migingiriko ya vanhu, xikombiso, ku humesiwa na ku lulamisiwa ka switirhisiwa swo ka swi nga tirhisiwanga.[3] Vulawuri bya thyaka byi kongomisiwile ku hunguta vuyelo byo biha bya thyaka eka rihanyo ra vanhu, mbango, switirhisiwa swa tipulanete na vuxongi.