Swakudya swa Vatsonga
Vatsonga vadya Swakudya swa xintu xavona, naswona vasweka hikutirhisa swilo swohambana hambana. Timanga, tundluwa na tinyawa titirhisiwa ngopfu ekusweka swakudya swavona leswi hlanganisaka miroho na swityulu swa nyama. Vuswa hi byona swakudya xidzi swa vatsonga/machangana. A ku swekiwa vuswa bya xibasa bya n`wahuva na bya makhaha. A ku xeviwa hi miroho yo hambana-hambana yo fana na tinhwembe, tinyawa, guxe, bangala, nkaka na swin`wana. Miroho a yi kandzeriwa hi timanga, rininga kumbe timongo. Xin`wana xixevo a ku ri maxonja, tinjiya, majeje, swidongodi ni tintshwa. A kudyiwa na swin`wana swakudya swofana na tihove, tshopi. Xingwhimbi, timanga na tindluwa.Vatsonga va tolovele kudya kanhurhu hisiku.[1][2][3]
Vatsonga ava lulamisa swakudya swovona leswaku vaswi endla swidyeka. Ava tsema, kumbe kutshova miroho yavona leswaku yiringana ku virisiwa, ku hlanganisiwa yiva mithtotho na ku hunguela kumbe ku fomisa. Kasi swin'wana swakudya swo fana na timanga, aswi sungula hi ku omisiwa leswaku swita hlayisiwa nkarhi woleha. Loko swiringenene ku tirhisiwa, swakudya leswi omisiweke, aswi sungula hiku lovekiwa ematini yo kufumela leswaku swi ta olova, ivi swi swekiwa.[2]
Mintshaho[Lulamisa | edit source]
- ↑ Nukeri, Emilinah Reginah (2012). "Nkanelo wa yin'wana ya mindhavuko ya ririmi ra Vatsonga/Machangana hi ku kongomisa eka swakunwa swa ndhavuko". University of Limpopo.
- ↑ 2.0 2.1 The development, standardisation and acceptability of the traditional Tsonga-Shangaan dishes - Malaza M.T (2012)
- ↑ Ndzavisiso wa Onasi-Mapaluxele ya ndhavuko wa Xitsonga eka tsalwa ra "Masungi mfana ka Maxele" - Machimana S.M (2009)