Laerskool Kremetart

Mepe wa Limpopo laha Giyani leyikulu yi kandziyisiweke.

Laerskool Kremetart i xikolo xa le hansi lexi kumekaka edorebeni ra Giyani eLimpopo. ku tlula magidi ya ntlhanu ya swichudeni swi tsarisile eka xikolo lexi eka malembe ya nkombo lawa hundzeke. Xikolo xa le hansi xa Laerskool xi na vafambisi va ntsevu, lava landzelaka; nhloko ya xikolo yin'we ku nga Tatana M.E Chavalala, vaseketeri vambirhi va nhloko ku nga Tsanwani N.G na Lebeya N.D xitlhela xi va na tinhloko tinharhu ta ndzawulo ku nga B.T Mathebula, H.N Mahlaule na T.H Mchavi.

Tidyondzo na mintlangu leyi nyikeriwaka

Tidyondzo leti landzelaka ti nyikeriwa eka xiyenge xa masungulo kumbe foundation phase; xitsonga ririmi ra le kaya, xinghezi tanihi ririmi ro engetela, dyondzo ya vuswikoti bya vutomi na tinhlayo. eka xiyenge xa le xikarhi kumbe intermidiate phase, tidyondzo leti nyikiwaka hileti landzelaka; sayense ya ntumbuluko na thekinoloji, xitsonga ririmi ra le kaya, xinghezi tanihi hi ririmi ro engetela, vuswikoti bya vutomi, tinhlayo na sayense ya ntshamisano. Laerskool yi hetelela hi ku nyika tidyondzo leti landzelaka ta xiyenge xa le henhla kumbe senior phase; xitsonga ririmi ra le kaya, xinghezi tanihi ririmi ro engetela, tidyondzo ta vutshila, tidyondzo ta vuswikoti bya vutomi, sayense ya ntshamisano, tidyondzo ta ikhonomi na sayense ya vufambisi, sayense ya ntumbuluko na thekinoloji xikanwe na tinhlayo.

Mintlangu leyi nyikeriwaka hi leyi landzelaka, netball, athletics, bolo ya milenge na mintlangu ya ndzhavuko.