Yindlu ya Satyagraha

Kusuka e Wikipedia
Tlulela eka: Xikomba-ndlela, Lava
Yindlu yaSatyagraha

Yindlu yaSatyagraha, leyi tivekaka ngopfu hi Yindlu yaGandhi, i muti wa Mahatma Gandhi lowu akiweke e Joni, naswona hi laha a tshameke no tirhela kona eka maleme ya 1908 na 1909. Yi tsarisiwe eka nxaxamelo wa matimu na ndhavuko wa Joni. Sweswi wuI tirhisiwa tani hi yindlu yo rhurhela va yeni naswona wu thlela wu tirhisiwa tanihi Myuziyamu. Rito Satyagraha rivula kukhoma ntiyiso. Yindlu leyi yi mpfapfarhutiweriwe Gandi hi Hermann Kallenbach.

Matimu[Lulamisa | edit source]

Mahatma Gandhi, Sonia Schlesin (Matsalani wa Gandhi), Hermann Kallenbach

Gandhi uhete makume mbirhi-n'we(21) wamalambe e Afrika Dzonga, kusukela hi lembe ra 1893 kuya eka 1914, hambileswi a khomeke maendzo yoya e Indiya na Bhrithani.[1] Kuvuriwa leswaku Gandhi dyondze hi xihlawuhlawu ro sungula loko ata khomiwa exitichini xa xitimela xa dorobha ra Pietermaritzburg, hikwalaho ka ku kumeka a khandziye eka kalichi ra valungu ntsena.[2]

Hi lembe ra 1904, Gandhi u hlangane na Herman Kallenbach, Mupfapfarhuli wa swiako loyi a ari mujarimani wa mujuda naswona a fikeke laha Afrika Dzonga hi lembe ra 1896. Hi lembe ra 1907, Kallenbach u pfapfarhute yindlu leyi a yisekeriwe eka ma akele ya rhontavula [3] kambe yi akiwe hi maekele yale Yuropa. Yindlu leyi yityiwe Tshanga.

Xiphepherhele xa Joburgpediya

Yindlu leyi ayirini mavala ya ti hanci na rivala rotlanga Thenisi, hambiswiritano havumbirhi byavona a va hanya vutomi byo titsona no encisa. Gandhi a atlela e lawuni rale henhla laha a anghena hi ku gonya xitepisi, hambiswiritano havambirhi a va hlanganela kutirhisa xitiko naswona a ava amukela vayeni a lawini rohumula. Yindlu a yiri hava minyangwa ya lendzeni, leswi aswi endla leswaku vaboheke kuhumela ehandle leswaku vakota ku nghena e lawini rin'wana. Kallenbach u hundzuriwe swinene hivutomi lebyi a va byi hanya, kufikela laha mali leyi a tihanyisa hi yona yi hungutekeke kuya aka vukhume bya leyi a yitirhisa.[4] Vahetelele va rhurhile hi lembe ra 1909, naswona yindlu yindlu yive na vinyi vohlayanyana [5] kufikela hi lembe ra 2009 loko yi ta xaviwa khampani ya mafurhwa (Voyageurs du Monde), leswi endleke mfumo wa le Indiya gome tani hileswi a va tiyimisele kuxava yindlu leyi, va xavela ku yiendla ndzaka ya matimu.[6] Khampani ya mafurhwa yi pfuxelele yindlu leyi naswona yi yi endla Miyuziyamu leyi pfumelelaka ku endzeriwa hi mani na mani naswona yitlela yiva yindlu yo rhurhela va endzi hi lembe ra 2011.

Miyuziyamu leyi yirhangeriwa no hlayisiwa hiLauren Segal,[1] loyi a hlayisaka timiyuziyamu tin'wana, kuhlanganisa na miyuziyamu ya Khale ka mfumo wa xihlawuhlawu (Apartheid).[7] Rito Satyagraha ri hunduluxeriwa kuvula "Matimba ya Ntiyiso", naswona ri hlamusela mahanyelo vusihalari byo kala nyimpi lebyi sunguriweke hi Gandhi loko a ha tshama laha e Afrika Dzonga.[1]

Mintshaho[Lulamisa | edit source]

  1. "Serene Satyagraha House opens". City of Johannesburg. Retrieved 19 June 2013.
  2. Gandhi History in South Africa, accessed 18 June 2013
  3. "Hermann Kallenbach", Artefacts.co.za, accessed 18 June 2013
  4. "Who was Hermann Kallenbach", DNA India.
  5. "the Museum". satyagrahahouse.com. Retrieved 19 June 2013.
  6. Smith, David (9 October 2009). "French firm wins bidding war for Gandhi house". The Guardian. Retrieved 31 July 2013.
  7. Musum, satyagrahahouse.com, accessed 18 June 2013