Yunivhesiti ya Rixaka ya Lesotho

Yunivhesiti ya Rixaka ya Lesotho, i yunivhesithi yikulu ya khale swinene eLesotho, yi kumeka eRoma, 34 km (21 mi) edzonga-vuxa bya Maseru, ntsindza wa Lesotho . Nkova wa Roma wu anamile naswona wu rhendzeriwe hi xisirhelelo xa tintshava leti nga ni swiganga leswi nyikaka swivumbeko swo hlamarisa. Yunivhesiti leyi yi tiphina hi maxelo yo kufumala lama nga ni tinguva ta mune leti hambaneke. Huvo leyi lawulaka yunivhesiti i huvo na pholisi ya swa tidyondzo emavokweni ya Senate, havumbirhi Huvo na Senate swi simekiwa hi Nawu.

Swidyondzeki

Vurimi Dyondzo

Sayense ya Rihanyo Vutivi bya vanhu

Nawu Sayense & Thekinoloji

Sayense ya Ntshamisano

Xivono xa Yunivhesiti ya Rixaka ya Lesotho (exikarhi) .

Masungulo ya Yunivhesiti ya Rixaka ya Lesotho (NUL) ya sungule hi siku ra ti 8 Hukuri 1945, loko Kholichi ya Yunivhesiti ya Khatoliki yi simekiwile eRoma hi vulawuri bya Rhoma Khatoliki bya le Dzongeni wa Afrika. Ku simekiwa ka kholichi leyi akuri ku hetiseka ka xiboho lexi tekiweke hi 1938 hi Synod ya vabixopo va Khatoliki e Afrika Dzonga ku nyikela swichudeni swa Khatoliki swa Afrika endzhaku ka matiriki na vulerisi bya vukhongeri. Kholichi ya Yunivhesiti ya Khatoliki yi simekiwile enkoveni lowu nga woxe hi 34 km (21 mi) ku suka eMaseru eka muako wa xikolo xa le hansi xa nkarhinyana eRoma Mission.

Yunivhesiti ya Basutoland, Nsirhelelo wa Bechuanaland na Swaziland

Hi January 1, 1964, Kholichi ya Yunivhesiti ya Pius XII yi siviwe hi Yunivhesiti leyi tiyimeleke, leyi nga riki ya vukhongeri ya Basutoland, Bechuanaland Protectorate na Swaziland leyi nga ni tsalwa ra yona leri nyikiweke hi Hosi ya Xisati Elizabeth wa Vumbirhi . Hikwalaho ka tsalwa leri fanaka, Oblate va hlayise vuxaka bya le kusuhi na U.B.B.S hi ku tirha eka huvo na ku dyondzisa, xikan’we na vukona Pius XII College House, ndzhawu yo tshama eka yona ya vaaki va Oblate.

Ku fambisana na mavito lawa ya hlawuriweke endzhaku ka ntshunxeko hi 1966, U.B.B.S yi hundzuke Yunivhesiti ya Botswana, Lesotho na Swaziland.

Yunivhesiti ya Rixaka ya Lesotho

Ku tekiwile xiboho hi Nhlangula 20, 1975, xo simeka Yunivhesiti ya Rixaka ya Lesotho eka khamphasi ya Lesotho (Roma) ya khale ka U.B.L.S , hi Huvo ya Rixaka hi ku tirhisa nawu wa Nomboro ya 13 wa 1975. NUL i mudyandzhaka wo tinyungubyisa wa Kholichi ya Yunivhesiti ya Pius XII na UBLS Yi teka ndhawu, swivandla, na miako leyi fanaka na leyi yi nga hundza, xikan’we na yo engetela.

.