Xibelani
Madeha(ndhindhani) i x'ambalo xa vasati va Vatsonga, lexi mbariwaka eka minkhuvo, kumbe mincino ya Xitsonga yo fana na Mkhinyavezo, Minchachulo, Makhwaya na Minchongolo. Xibelani loko xi mbariwile, xifika ematsolweni naswona xibohiwa exisutini.[1] Xibelani ix'ambalo lexi hlawulekisaka Vatsonga naswona ximbariwa hivona ntsena emisaveni. Masiku lawa, Xibelani xikumeka xixavisiwa nale dorobeni ra Joni.[2]
Matimu
[Lulamisa | edit source]Xibelani a ximbariwa na tinguvu hi vavasati va Vatsonga, eka minkarhi yakhale, kambe manguva lawa, ximbariwa ngopfu eka minkhuvo ya ndhavuko na mincino ya Xitsonga. Vana va vanhwanyana va Vatsonga, vadyondza kumbala no cina Xibelani vahari vatsongo. Xibelani hakanyingi ximbariwa na Xigejo enhenhla kaxona, kasi minkarhi yin'wana xibohiwa na nguvu ntsena.[1]
Ncino wa Xibelani
[Lulamisa | edit source]Xibelani xicinisiwa hi ku cinisa xisuti, leswaku xibelani naxona xi jika-jika, naswona mucini a nga thlela a cinisa nenge, kuya hi vuswikoti bya yena.
Mintshaho
[Lulamisa | edit source]- 1 2 Lambert M. Surhone, Miriam T. Timpledon, Susan F. Marseken (2010). Xibelani Dance. Johannesburg: VDM Publishing. ISBN 9786132112224.
- ↑ Ndzavisiso wa Onasi-Mapaluxele ya ndhavuko wa Xitsonga eka tsalwa ra "Masungi mfana ka Maxele" - Machimana S.M (2009)