User:Pam Gavaza08/Draft 2

Xifaniso xa mbhogholo

Mbhongholo i xifuwo lexi tivekaka swinene emigangeni ni le tindhawini ta le makaya. Xiharhi lexi xi pfuna vanhu ngopfu-ngopfu eka mintirho ya ku rhwala mindzhwalo ni ku tirha emasin’wini. Hambileswi van’wana va nga xi tekaka tanihi xiharhi lexi nga riki xa nkoka, mbongolo yi na nkoka lowukulu swinene evuton’wini bya vanhu vo tala.

Mbhongholo yi ni miri wa matimba, milenge leyinene yo tiya ni tindleve letikulu leti yisaka ehenhla. Tindleve teto ti pfuna mbongolo ku twa mpfumawulo wa le kule. Yi tlhela yi va ni nhloko leyikulu ni mahlo lama vonaka kahle. Nhlovo ya yona yi tala ku va ya muhlovo wa buraweni, ntima kumbe nkuku.

Mbhongholo i xiharhi lexi rhulaka kambe lexi tiyeke nhloko. Loko yi bohiwa kumbe ku rhwariwa swilo swo tika, yi kota ku tiyisela nkarhi wo leha. Hambiswiritano, loko yi twa onge yi xanisiwa ngopfu, yi nga yima yi ala ku famba. Leswi swi kombisa leswaku mbhongholo yi rhandza ku khathaleriwa kahle.

Emigangeni yo tala, mbhongholo yi tirhisiwa ku rhwala mati, tihunyi ni swakudya. Yi tlhela yi pfuna eku limeni hikuva yi nga koka xikolopana kumbe gariki. Leswi swi pfuna swinene mindyangu leyi nga riki na timovha kumbe michini. Hi ku gimeta, mbongolo i xiharhi xa nkoka swinene lexi pfunaka vanhu eka mintirho yo hambana-hambana. Hambileswi xi nga riki xiharhi xa ku saseka ngopfu, ntirho wa xona ni ku tiyisela ka xona swi endla leswaku xi fanela ku xiximiwa ni ku hlayisiwa kahle.