User:Machebe Mixo

Mixo Machebe

Mixo Machebe i xidyondzeki na mutsari wa tibuku ta Xitsonga wa le Afrika-Dzonga. U velekiwile hi ti07 ta Mhawuri 1992. Vito ra yena ra ku duvulela leri a nga tithya i Malwela.

Ta vuhlangi na makulele

Mixo Machebe u velekiwile emugangeni wa ka Khani lowu tivekaka swinene hi vito ra Gandlanani etikweni ra ka Nhlaniki eGiyani hi lembe ti07 ta Mhawuri 1992. Vatswari va yena i sirha Thembisa Glory Machebe na Solomon Rhulani Baloyi. Mana wakwe u hundzile emisaveni hi lembe ra 2005 loko a ri eka giredi ya nkombo.

Hi lembe ra 2003 u yile engomeni ya vavanuna ku ya dya vuswa na majaha kuloni. Endzhaku ka masiku u landzeriwile i makwerhu wa yena, Franklin Maluleke, loyi a nga wela engomeni kutani va dya vuswa swin'we. Leswi swi endlile leswaku Mixo Machebe a va kusuhi swinene na vamalume wa yena Kenneth na Goliath Machebe lava nga va zabela.

U sungurile xikolo hi ekhirexe ya Khamangu hi lembe ra 1998. Tidyondzo ta yena ta le hansi u ti sungurile eXikolweni xa le hansi xa Khutsakeni hi lembe leri landzeleke. Hi kona laha a thumba leswaku u na tinyiko to ekita switori no tsala. Loko a ri na Malembe ya khumenharhi u tsarile no khanda xibukwana hi maphepha ya buku. Xitori lexi a thyeke 'Shame poor Ntoza'. Xitori lexi a xi vulavula hi xifanyetana lexi a swerile swinene hi ku pfumala vatswari.

Machebe u kurisiwile hi kokwana wa yena wa xinuna. I n'wi dyondzisile ku sweka na ku tihlayisa ku kondza a hindza emisaveni hi lembe ra 2010.

Tidyondzo

Endzhaku ka ku pasa giredi ya khume eXikolweni xa le henhla xa Malenga hi lembe ra 2011, u yisile tidyondzo ta yena emahlweni. U yile eYunivhesiti ya Limpopo laha a nga dyondzela tidyondzo ta vuhangalasi bya mahungu na vuhundzuluxeri. Hi lembe ra 2015 u mbarile gaweni a ri karhi a koka moya eka swa xikolo a ri karhi a lavana na xikoropo. Hi lembe ra 2016 u sungurile tidyondzo ta 'Bachelor in Speech Language and Hearing Therapy' eYunivhesiti ya Stellenboch. Hikwalaho ka ku pfumaleka ka mpfuno wa swa timali ta dyondzo, u ehleketile ku lan'wa a muka. Kambe loko a nga si muka u kumile xirhambo xa le Yunivhesiti ya le Witwatersrand eJoni ku ta dyondza Honours mahala.