User:Hlukani25/Draft 3

Mudende

Mudende I mali leyi tekiwaka eka Mali ya xibalu leyi hakeriweke, hi vatirhela mfumo ni tikhamphani tin'wana na tin'wana leti kumekeke laha etikweni. Hi kwalaho Ka vusweti laha etikweni, vulavisisi byi kombile leswaku vusweti lebyi I switandzhaku swa mfumo wa xihlawuhlawu. Ku lwesana na vusweti mfumo wu endlele mpfuno wa mudende laha va phalalaka vanhu lava va nga na vusweti laha etikweni. Mali leyi yi nyikiwa vana va malembe Yale hansi Ka khume nhungu, vana vo loveriwa hi vatswari, swilema xikan'we na vakhegulu. Ku kota ku kuma mpfuno hi mali leyi ya mudende u fanekele kuva u ri xirho xa tiko ra Afrika Dzonga.

Vulavisisi byi Komba leswaku munhu wun'we eka vanharhu va na xiave naswona va vuyeriwa eka mali ya mudende. Mali leyi ya mudende yi tlakuka lembe na lembe loko ku hlayiwa mpimanyeto wa timali. Mali leyi yi fanekele ku tirhisiwa hi vutihlamuleri, vatswari a vapfumeleriwanga ku xava mabyalwa, swidzidziharisi kumbe ku gembula hi yona. Mali leyi a yifanelenga ku tirhisiwa eka vamachonisi kumbe eka vulombisi byihi kumbe byihi. Vanhu lava kumeka Mali leyi a vafanelangi ku tirhisa makhadi ya vona ya mudende eka vamachonisi. Munhu u fanerile ku amukela Mali leyi loko a tshama na n'wana Kasi loko n'wana a suka eka vuhlayisi bya yena u fanele a famba na Mali yakwe.

Mali ya mudende yi languteriwile ku xava swakudya na swilo swotirhisiwa swa nkoka swa vana. Mudende wu fanekele ku xava swaambalo swa vana no hakelela vana swilo swa xikolo. Vakhegulu ni vatsoniwa va fanekele ku xava swakudya ni swiambalo hi Mali leyi. Mali ya mpfuno ya mudende I Mali leyi faneleke ku pfuna vanhu niku lwisana na vusweti etikweni ra Afrika Dzonga.