Template:Featured-Article-4
Henri-Alexandre Junod (kumbe Henri A. Junod; 17. Mudyaxihi 1863 - † 22. Mudyaxihi 1934) a ri murhumiwa wa vukhongeri bya vuphurostentanti bya le Furwa na swona u tiveka ngopfu hi ntirho wa yena e xikarhi ka Vatsonga e n'walungu wa Afrika-Dzonga na le muzambhiki. Hambi leswi a loveke ari e Geneva, xileriso xa yena xo hetelela a kuri ku ya vekiwa e kaya rakwe ra makumo e Rikatla e tikweni ra Muzambhiki.
Nkulukumba Junod u tiveka ngopfu hi tibuku ta yena leti a ti tsaleke hi rixaka ra Vatsonga leri eka matsalwa a nga ri tsala ku i "Thonga tribe". Nhlokomhaka ya ti buku ta yena yiri: The life of a South African tribe - Vol 1 & 2. Hi hlanganise matsalwa ya yena na swifaniso leswikumekaka etibukwini ta yena, laha e wikipediyeni ya Xitsonga. Tibuku ta yena na ntirho wa yena a swa ha sirheleriwangi hi ximfumo hikwalaho ka leswi ku hundzeke dzana ra malembe endzhaku ko khandziyisiwa ximfumo.
