Penny Penny

 

Eric Kulani Giyani Nkovani (u velekiweke hi 1962), loyi a tivekaka ngopfu hi mavito ya yena ya vuyimbeleri hi Penny Penny na Papa Penny. papa penny i muyimbeleri na n'watipolitiki wa Afrika-Dzonga, loyi a tivekaka hi rirhandzu tanihi " Shangaan Disco King" hikwalaho ka xitayili xa vuyimbeleri lexi a pfuneke leswaku xi duma.

U hlawuriwile tanihi xirho xa Huvo ya Rixaka, laha a yimela UMkhonto we Sizwe, eka nhlawulo wa mani na mani wa Afrika Dzonga wa 2024.

A a ri lontsongo eka vana va makumentsevu nhungu ku suka eka dokodela wa ndhavuko wa ndhawu leyi a tshama eka yona. A a ri na vavasati va makumbirhi Ntlhanu. Ndyangu wa yena a wu ri lowu a wu hluphekile, leswi vulaka leswaku a nga dyondzekangi, kambe hi ku hatlisa u tiveke hi ku cina naswona u thyiwile vito ro duvulela ra Penny. Loko a ri na malembe ya khumenkaye, u tirhile eka mugodi wa nsuku wa West Driefontein ekusuhi na Carletonville, naswona hi ku hatlisa u balekerile swiyimo swo biha swa ntirho swa ndzhawu liya, hambileswi a nga wina swidlodlo swotala swa breakdancing loko a nga se famba, ku humelela ka yena ku tile hi ku rhekhoda na ku humesiwa ka alibamu ya yena yo sungula ya 1994 Shaka Bundu, leyi nga rhekhodiwa hi vhiki hi ku tirhisa ghere yitsongo kambe yi ye emahlweni yi xavisa kwalamu ka 250,000 wa tikopi etikweni. Vuyimbeleri lebyi byi kombisa mpfumawulo wa disco wa Xitsonga (Shangaan), lowu humeleleke eka ndhavuko wa rixaka ra Penny wa Vatsonga, lowu hlanganisiweke na vuyimbeleri bya manguvalawa bya le kaya lebyi humaka eUnited States. Hi ndlela yo ka yi nga tolovelekanga, tinsimu leti nga eka alibamu leyi a ti rhekhodiwa hi ririmi ra Xitsonga kumbe ra tsonga, kumbe hi ku kongoma ririmi ra rona ra Xihlanganu ra xifundzha xa Limpopo, rin’wana ra tindzimi leti nga twiwiki ngopfu eAfrika-Dzonga. Lexi a ku ri ku hlawula loku twisisekaka hi ku yimela Penny, loyi a a lava ku nghenisa ririmi ra yena ra Xitsonga "emisaveni." U tshamile endlwini ya Peta Teanet eTzaneen ku ringana tinhweti tinharhu loko a ri karhi a dyondzisiwa vuyimbeleri hi Hosi ya Disco Peta Teanet.

U rhekhodile tialibamu tin’wana to hlaya, ku katsa na Laphinda Shangaan (1997) na Makanjta Jive (1998), leti havumbirhi bya tona ti xavisiweke ku tlula Shaka Bundu, hambileswi a ku nga ri na yin’we ya tialibamu ta yena leti hangalasiweke ehandle ka Afrika-Dzonga, naswona u hatle a khulukela eka ku nga tiviwi loko mikhuva ya vuyimbeleri bya tiko yi ya emahlweni. Shaka Bundu u tlhele a humesiwa emisaveni hinkwayo hi Awesome Tapes From Africa, leswi pfuneke ku pfuxeta ku duma ka yena eka vuyimbeleri. Ku duma ka yena lokuntshwa ku hangalake ni tiklabu ta le Los Angeles . Hi lembe ra 2017, u sungurile ku tumbuluxa vuyimbeleri hi xitayili lexi a xi vitaneke "heavy gum," endzhaku ko karhala ku vuriwa "Shangaan Disco King". U te: "A ndzi si tshama ndzi ti thya vito ra Shangaan Disco King, vanhu van'wana va endlile tano. Ndzi karhele hi ku va vanhu va ndzi tiva ntsena hikwalaho ka ririmi ra mina. Vuyimbeleri byi tlula ririmi leri u ri vulavulaka." Alibamu ya yena yo sungula eka xitayili lexi a ku ri "Goldie Bone."

N’watipolitiki, Penny u tirha eka African National Congress tanihi xirho xa huvo. U nghene eka mpfilumpfilu lowu hangalasiweke lowu nga tshama wu ri kona nkarhi wo leha na ndhuna leyi nga le Giyani mayelana na kungu ra mati ya mahala, a hlamusela leswaku "u nghene eka ntirhisano na murimi wa ndzhawu liya ku pfuneta ku nyika mati eka vaatiko kambe switikomba onge u yimisiwile ku tirhisa pulani hi hosi."

Ku sukela hi lembe ra 2017, u tlhela a tlanga eka nongonoko wa yena wa ntiyiso wa Penny Ahee eka Mzansi Magic, lowu a wu rhumeriwile endzhaku ko humelela tanihi muavanyisi eka Clash of the Choirs .

Penny Penny u tekile naswona u na vana va makumembirhintlharhi, laha makumembirhinharhu wa vona va humaka eka vuxaka bya khale.