Nhutlwa
Nhutlwa i xiharhi xa nhova lexi mamisaka xo leha kutlula swiharhi swinwana,[1] naswona xikumeka e tikweni-nkulu ra Africa.[2] Hi ntolovelo, tinhutlwa a ti tekiwa ti ri muxaka wun'we, Kamba vulavisisi bya manguva lawa byi komba leswaku kuna tinxaka ta mune ta tinhutlwa leti ta ha hanyaka, nakambe kuna tsevu ya tinxaka ta tinhutlwa leti nga ha riki kona, let tsumburiweke hi ku ya hi rhekhodo ya masalela ya marhambu ya swilo leswi feke.[3]
Swihlawulekisi swa tinhutlwa i minkolo ya tona yo leha swinene na milenge, tindleve to fana na timhondzo, na mavalavala ya nhlonge yo hlawuleka naswona yo hambana kuya hi nhutlwa yin’wana na yin’wana.[1] Tinhutlwa kumeka ku suka eChad en'walungwini ku ya eAfrika Dzonga edzongeni na ku suka eNiger evupeladyambu ku ya eSomalia evuxeni.[4] Swakudya swa tona i matluka, mihandzu na swiluva swa swimilana swa timhandzi, ngopfu-ngopfu nsinya wa nsasane, lowu ti wu dyaka eka tindhawu leti tlakukeke leti swiharhi swin'wana leswi dyaka swimilana swi nga swi kotiki ku ti fikelela.[5]
Tinhutlwa ti dyiwa hi swiharhi swofana na tinghala, tiyingwe, timfenhe na timbyana ta nhova ta le Afrika.[1] Tinhutlwa ti tshama eka mintlhambi ya ta xisati leti yelanaka, leyi nga riki na ta xinuna leti kuleke. Tinhutlwa ta xinuna ti simeka xiyimo xa vunhenha hi ku tlula-tlula, ti thlela ti tirhisa tinhamu tanihi tlhari ro lwa hi rona.[6]
Swihlovo leswi tirhisiweke
[Lulamisa | edit source]- 1 2 3 "Giraffe Facts | Mammals | BBC Earth". www.bbcearth.com (in English). Archived from the original on 2026-02-10. Retrieved 2026-02-27.
- ↑ Nowak, Ronald M. (1999). Walker's mammals of the world (in English) (6th ed ed.). Baltimore: Johns Hopkins University Press. pp. 1086–1089. ISBN 978-0-8018-5789-8.
- ↑ "Are there different types of giraffe? - Giraffe Conservation Foundation" (in en-US). 2024-11-08. Retrieved 2026-02-27.
- ↑ "Not all giraffe are the same - Giraffe Conservation Foundation" (in en-US). 2024-11-08. Retrieved 2026-02-27.
- ↑ Deacon, Francois; Smit, Gert Nicolaas; Grobbelaar, Andri (2023-07-03). "Resources and Habitat Requirements for Giraffes’ (Giraffa camelopardalis) Diet Selection in the Northwestern Kalahari, South Africa". Animals (in English) 13 (13): 2188. ISSN 2076-2615. PMC 10339880 Check
|pmc=value (help). PMID 37443986 Check|pmid=value (help). doi:10.3390/ani13132188. - ↑ Learn, Joshua Rapp (2021-09-17). "Giraffes Prefer a Fair Fight". The New York Times (in en-US). ISSN 0362-4331. Retrieved 2026-02-27.