Mujeko wa Zimbabwe

Mujeko wa tiko ra Zimbabwe wuna nkombo wa mitila yo ringana ya rihlaza, nsuku, yo tshwuka na ya ntima na yinhlanharhu yo basa leyingana nyeleti yo tshwuka ya ntlhanu wa tinyeleti na Xinyenyani xa Zimbabwe . Dizayini ya sweswi yi amukeriwile hi ti 18 Hukuri hi lembe ra 1980.

Xinyenyana xa ribye ra xisibi lexi kombisiweke eka mujeko xi yimela xifaniso xa xinyenyana lexi nga kumiwa emarhumbini ya Great Zimbabwe . Xinyenyana lexi tirhisiweke ro sungula hi lembe ra 1924 eka xifaniso xa le Dzongeni wa Rhodesia, xi yimela matimu ya Zimbabwe ; nyeleti ya muhlovo wo tshwuka ehansi ka yona yi yimela ku navela ka rixaka ximfumo kambe hi ntolovelo ku ehleketeleriwa leswaku yi yimela vukhomunisi na vusoxalisi, na ku lwela ntshunxeko na ku rhula eka nhlupheko. Dizayini leyi yi suka eka mujeko wa vandla leri fumaka etikweni ra Zimbabwe, Zimbabwe African National Union – Patriotic Front (ZANU–PF).

Matimu

Ku tirhisiwa kosungula ka ximfumo ka Zimbabwe Bird akuri eka Southern Rhodesian coat of arms, leyi amukeriweke hi 1924.

Mijeko leyi tirhisiweke hi ku famba ka nkarhi, ku sungula hi Union Jack, leyi kombisiweke eMuziyamu ya Matimu ya Ntumbuluko ya Zimbabwe eBulawayo

Mujeko wa tiko ra Zimbabwe wu ri karhi wu haha hi moya

Tiko leri sweswi ri tiviwaka hi vito ra Zimbabwe a ri tiviwa ximfumo tanihi vito ra Southern Rhodesia ku sukela hi lembe ra 1895 ku ya eka lembe ra 1980—hambileswi vito ra Rhodesia a ri tirhisiwa ntsena endhawini yoleyo exikarhi ka lembe ra 1964 ku fikela hi June hi lembe ra 1979 endzhaku ka loko Northern Rhodesia yi kume ntshunxeko wa yona—kutani endzhaku ka sweswo Zimbabwe Rhodesia exikarhi ka June na December 1979. eDzongeni wa Rhodesia va fikelele mfumo lowu nga ni vutihlamuleri hi lembe ra 1923, naswona hi ndlela yoleyo wu ve koloni ya Britain leyi tifumaka endzhaku ka makume manharhu ya malembe ya ku fuma hi Khampani ya Afrika Dzonga ya Britain . Endzhaku ka loko va nyikiwe mfumo lowu nga na vutihlamuleri, mujeko wu amukeriwile lowu landzeleke mukhuva lowu tolovelekeke wa vukoloni bya Britain, kuva Blue Ensign, leyi onhiweke hi xitlhangu kusuka eka Southern Rhodesian coat of arms . Dizayini leyi yi yi tirhisiwile ku fikela hi lembe ra 1968, hambileswi ku sunguriweke mujeko wa wasi wo dzwihala hi April hi lembe ra 1964 endzhaku ka ku hahluka ka Nhlangano wa Rhodesia na Nyasaland . Hi November 11, hi lembe ra 1968, endzhaku ka malembe manharhu hulumendhe leyi a yi tele hi valungu yi tivise ntshunxeko hi tlhelo rin’we eka Britain, ku amukeriwile mujeko wa tiko lowu kongomisiweke eka pulani leyintshwa hi ku helela. Leyi a ku ri mujeko wa mintila yinharhu ya muhlovo wa rihlaza-wo basa-rihlaza leyi yimisiweke, leyi a yi chajiwe exikarhi hi xifaniso xa matlhari xa tiko . A ku ri mujeko wo sungula wa tiko ku va na Xinyenyana xa Zimbabwe, lexi a xi ri kona eka xifaniso xa matlhari ku sukela hi lembe ra 1924.

 

Swihlanganisi swa le handle

Commons

• Wikimedia Commons alberga contenido multimedia sobre Mujeko wa Zimbabwe.