Mbhongolo
Mbhongolo i xiharhi lexi xinga tshembheka swinene na ku tirha hi matimba leswi tlangaka xiave xa nkoka eka tindzhawu ta le makaya emisaveni hinkwayo.[1] Ti tirhisiwa eka mintirho yohambana hambana yofana naku rima masimu, ku koka swigolonyana, ku fambisa nhundzu, ku lata mati, naku nyika nseketelo wa vutomi. Timbhongolo titlhela ti nghenelela eka migingiriko ya vupfhumba, tinyika ku khandziya kumbe ku nghenelela eka maendzo, leswi tisaka mali eka vini va tona. Ti khome nkoka wa ndzhavuko eka miganga yotala yale makaya.[2]
Timbhongolo ti tirhisiwa ngopfu emisaveni hinkwayo leyi hluvukaka, ti tirhela miganga hinkwayo hi ku koka swigolonyana ku rhwala vanhu, swakudya swa nkoka, mati na mphakelo wa tihunyi, ku koka switirhisiwa swa vurimi ku byala, na ku rhwala maphakiti ku tsemakanya tindhawu leti nga ni swiganga. Ti tiyile, ta durha naswona a ti kombisi ku vava hi ku olova, ti ya emahlweni ti tirha hambi ku ri ehansi ka swiyimo swo tika swinene. Mikhuva ya tona ya musa ni yo olova yi ti endla ti va letinene leswaku ti tirhisiwa hi vavasati ni vana. Hambiswiritano, hikokwalaho ka swilo leswi, timbhongolo na tona ti hlaseriwa ngopfu eka ku xanisiwa naku khomiwa hi ndlela yo biha naswona ti lava nsirhelelo.[3] Va vulavurisana hi ku tirhisa marito yo hambana na ririmi ra miri. Timbhongolo tinga hanya kuringana 25 kuya eka 30 wa malembe, laha tin’wana tifikaka eka malembe lawa ya dyuhaleke. Nkhathalelo lowu faneleke, ku katsa na ku kamberiwa nkarhi na nkarhi eka dokodela wa swifuwo, swakudya leswi ringaniseriweke, na ku endla vutiolori lebyi ringaneleke, swi hoxa xandla eka vutomi byo leha na rihanyo.
Loko ku langutane ni ku cinca ka maxelo, ti- equids to tanihi tihanci, timbhongolo ni tihanci ti nga ha va ntsena nchumu lowukulu lowu landzelaka eka vurimi. I tindlela to chipa, ta xihatla na leti tirhaka to risa swifuwo naku endla mintirho yohambana hambana emapurasini. Timbhongolo ta ha katseka eku rima, ku rima, ku tsemeta nhova ni ku fambisa swilo leswi tirhisiwaka, ku tshovela.[4]
Swihlovo leswi tirhisiweke
[Lulamisa | edit source]- ↑ Du, Lianming; Geng, Chaoyue; Zeng, Qianglin; Huang, Ting; Tang, Jie; Chu, Yiwen; Zhao, Kelei (2023-02-10). "Dockey: a modern integrated tool for large-scale molecular docking and virtual screening". Briefings in Bioinformatics (in English) 24 (2). ISSN 1467-5463. doi:10.1093/bib/bbad047. Archived from the original on 2024-04-21. Retrieved 2026-02-26.
- ↑ "StackPath". www.thedonkeysanctuary.org.uk (in English). Archived from the original on 2023-03-05. Retrieved 2026-02-26.
- ↑ Magazine, SA Farmers (2023-05-06). "The Role of Donkeys in South African Agriculture and Rural Communities". Farmers Magazine South Africa (in English). Retrieved 2026-02-26.
- ↑ "Why do farmers raise donkeys? – The Institute for Environmental Research and Education" (in en-US). Retrieved 2026-02-26.