Mbhetsa Academy of Science Maths and Technology
Mbhetsa Academy i xikolo xa le henhla xa sayense, tinhlayo na thekinoloji lexi kumekaka emugangeni wa Makgakgapatse exifundzheni xa Mopani eLimpopo. "Mbhetsa" i khamphani leyi nga tirheliki ku endla mali leyi simiweke hi lembe ra 2018 naswona i nhlangano lowu pfumeleriweke wa Vuyelo bya Vaaki. [1]
Kharikhulamu leyi nyikeriwaka
[Lulamisa | edit source]Tidyondzo leti landzelaka ti nyikiwa eka xiyenge xa le henhla xa dyondzo senior phase eka ti giredi ta nhungu na nkaye; xitsonga ririmi ra le kaya na Sepedi ririmi ra le kaya, Xinghezi tanihi ririmi ro engetela, tidyondzo to kongomosi eka swa vutomi, tinhlayo, sayense ya ntumbuluko, sayense ya ntshamisano (ku katsa na tidyondzo ta matimu na ntivo misava), thekinoloji, tidyondzo ta vutshila byo tumbuluxa (ku katsa drama na vuyimbeleri) xikanwe na tidyondzo ta sayense ya vufambisi bya ikhonomi.
Kasi eka giredi ya khume na khumembirhi ku tirhisiwa kharikhulamu ya STEM eka vukorhokeri bya dyondzo yo ya emahlweni na ndzetelo. ku nyikiwa tidyondzo leti landzelaka; Xitsonga ririmi ra le kaya na Sepedi ririmi ra le kaya, xinghezi tanihi ririmi ro engetela, tidyondzo to kongomisa eka swa vutomi, tinhlayo, sayense ya nyama na thekinoloji ya mahungu. ku ngetela eka sweswo, mudyondzi u fanekele ku hlawula eka tidyondzo leti landzelaka; xibalo kumbe tidyondzo ta ikhonomi kumbe tidyondzo ta mabindzu kumbe sayense ya vutomi kumbe sayense ya vurimi.
Mintlangu leyi nyikeriwaka
[Lulamisa | edit source]Ntlangu wa bolo ya milenge, thenisi, netball, volleyball na basketball. Mbhetsa Academy yi tlhela yi hlanganisa machudeni hi ku va ya tinghenelerisa eka swipano swa timagazini, swipano swa njhekanjhekisano, swipano swa ku khoda na tirhoboto, swipano swa chess xinkanwe na vuhangalasi bya mahungu bya vutshila.