Maya Christinah Xichavo Wegerif

 

Maya Christinah Xichavo Wegerif (u velekiweke hi ti 9 Mudyaxihi 1992), loyi a tivekaka hi xiphurofexinali tanihi Sho Madjozi (/ʃ ɒ ˈ m ɑː dj ɔːr z ɪ / shoh-mah-JOH -zee), i muyimbeleri wa rhepe, muyimbeleri, mutsari wa tinsimu, na mutlhokovetseri wa Afrika Dzonga. Maya u nghenisa ndhavuko wa Vatsonga hi vuyimbeleri na xifaniso xa yena xa le rivaleni. Hi lembe ra 2019, Madjozi u hlawuriwile tanihi un’wana wa <i id="mwIw">Forbes</i> Africa 's 30 Under 30 hikwalaho ka ku hoxa xandla ka yena eka xiyenge xa vuyimbeleri na vuhungasi.

Maya Christinah Xichavo Wegerif u velekiwe hi ti 9 ta Mudyaxihi 1992 eShirley Village, Elim, Limpopo, n'wana wa nhwanyana wa Rosemary Phaweni na Marc Wegerif lava a va fambisa nhlangano lowu nga riki wa mfumo lowu a wu endleriwe ku pfuna vanhu hi ku lava misava ya vona. Manana wa yena i wa rixaka ra Vantima kasi tatana wa yena i ra rixaka ra Valungu. Endzhaku ka loko vatswari va yena va dlaye vukati a ha ri ntsongo, u kurisiwe ngopfu hi manana wa yena. Madjozi u na vasesi hi tatana hi tlhelo ra manana wa yena na tatana wa yena. Tanihi leswi tatana wa yena, Marc Wegerif, a tshamela ku fambafamba eka swifundza swo karhi swa tikonkulu, Maya u ve ni nkarhi wo famba na tatana wa yena, u n'wi landzerile a ya eDar es Salaam, eTanzania, laha a tirheke eka nhlangano wo pfuna vanhu lowu vuriwaka Oxfam loko a ha ri n'wana wa kondlo a ndzi dyi. U tlhele a heta nkarhi hi ku xavisa swiambalo etimakete ta le Senegal hi lembe ra 2016 leswaku a ta kota ku wundla ndyangu wa yena.

Endzhaku ko heta xikolo xa le henhla eXikolweni xa Matiko Hinkwawo xa Tanganyika eTanzania, Madjozi u nyikiwe mali yo pfuneta ku ya eKholichi ya Mount Holyoke eVuxa Hadley, Massachusetts, US, ku dyondza matsalwa yo tumbuluxa na tidyondzo ta Afrika. Loko a ha ri eUS, u sungurile ku tsala switlhokovetselo hi vito ra peni ra MayaThePoet. Switlhokovetselo a swi vulavula hi tipolitiki, vumunhu na rixaka. Madjozi u tlhelerile eAfrika-Dzonga, laha a nga teka ximpfuno rixaka yo dyondzela eYunivhesiti ya Afrika-Dzonga, eJoni, naswona u tlherile a kunguhata ku tsala tinsimu eka vayimbeleri van’wana va laha kaya. U sungurile ku rhepa na ku qambha vuyimbeleri hi vito ra yena ra xiteji ra "Sho Madjozi". Madjozi u tlakukile eka ndhuma endzhaku ka ntirhisano wa yena na muyimbeleri wa rhepe Okmalumkoolkat eka risimu ra "Ngiyashisa Bhe" na singili leyi dumeke ya "Gqi".