Gertrude Shope

Gertrude Ntiti Shope OMSS (15 Nhlangula 1925 – 22 Mawuwani 2025) a ri muyimeri wa nhlangano wa vatirhi na n'watipolitiki wa Afrika Dzonga.

Vutomi na ntirho

Shope u velekiwile eJoni hi ti 15 ta August 1925, u kuriseriwe no dyondza eBulawayo, eDzongeni wa Rhodesia (sweswi ku nga Zimbabwe ). U tirhile tanihi mudyondzisi a nga si va xirho xa African National Congress hi 1954. Loko a joyina pfhumba ro lwisana na dyondzo ya Bantu, u hundzukele eka ku dyondzisa mintirho ya mavoko ematshan'wini ya sweswo. Hiloko a sungula ku tirha hi matimba eka Nhlangano wa Federation of South African Women, naswona ku ringana nkarhi wo karhi u rhangele Rhavi ra Central Western Jabavu ra xiyenge xa vavasati xa ANC. U tshame evuchavela-hwahwa ku sukela hi 1966 ku ya eka 1990, a rhangela vurhumiwa bya vandla leri eka Nhlangano wa Vavasati wa le Nairobi naswona a tirhela Nhlangano wa Misava Hinkwayo wa Minhlangano ya vatirhi ku nga World Federation of Trade Unions. {( Ku sukela hi 1970 ku fikela hi 1971 a ri matsalani wa Florence Moposho, a pfuneta ku simeka ku kandziyisiwa ka phephahungu ra Voice of Women . Yena na nuna wa yena Mark, u tshame etindhawini to hambana-hambana hi nkarhi wa vuchavela-hwahwa bya yena, ku katsa na Prague, Botswana, Tanzania, Czechoslovakia, Zambia na Nigeria. Sheldon, Kathleen E (2005), Historical Dictionary of Women in Sub-Saharan Africa  </ref> Le Lusaka u tirhile tanihi muyimeri lonkulu wa African National Congress. Ku sukela hi 1991 kuya eka 1993 Shope u rhangele nhlangano wa African National Congress Women's League . Eka nhlawulo wa mani na mani wa 1994 u hlawuleriwe ku ya epalamende .

U tekiwile hi nuna wa yena Mark Shope hi 1957 ku fikela loko nuna wa yena a lova hi 1998, loyi a nga va na vana vanharhu na yena: n’watipolitiki Lyndall na vadiplomati Lenin na Thaninga.

Shope u lovile hi ti 22 Mawuwani 2025, ari na malembe ya 99. President wa Afrika Dzonga, Cyril Ramaphosa u lerisile leswaku mijeko ya tiko yi haha hi hafu ya mast.