Benny mayengani

Bennet Skheto Baloyi (a nga tswariwa hi 11 Sunguti 1979) loyi a tivekaka hi vito ra yena ra vunanga ra President Benny Mayengani I Xiyimbeleri xa vunanga bya Xitsonga xa le Afrika Dzonga. I sungurile ku duma swinene hi lembe ra 2011 loko a humesa alibamu ya yena yo sungula ya ‘Tiba Ben’.

Swa Vunanga

Benny Mayengani u tiveka ngopfu hi k uva a tirhile swinene na tinsini to fana na Mr Jambatani, Prince Rhangani, Joe Shirimani na Vana va Ndoda ehansi ka ntlawa wa Limpopo Poison. Hi lembe ra 2011 u humesile album ya yena yo sungula ya ‘Tiba Ben’ ley inga endla leswaku a va na ndhuma swinene eka vunanga. Hi ti 28 ta Ndzhati hu lembe ra 2013 hi nkarhi wa Xitsonga music awards Benny Mayengani a xaxametiwile eka swiyenge swinharhu swa Best Xitsonga male artist, Best Xitsonga popular song of the year na Best album of the year.

Hi lembe ra 2019 u humesile alibamu ya yena ya vukhume ley inga thyiwa Ni Happy ley inga xaxametiwa eka Limpopo music awards eka xiyenge xa Best male artist. Hi ti 27 ta Hikuri 2020 Mayengani u humesile alibamu ya ‘Malambani’ ley inga tshama eka xiyimo xo sungula masiku ya mune hi ku landzelelana eka nxaxameto wa vunanga wa Itunes.

Swa tipolotiki

Ehandle ko va nsini, Benny Mayengani u tlhela a va n’watipolotiki, naswona u ve muyimbeleri wo sungula wa vunanga bya Xitsonga laha a nga kala a va xirho eka huvo  ya vakhanselara eka doroba ra Johannesburg ehansi ka vandla ra EFF hi 2016. Hi 2019 Mayengani u vile a chika eka xitulu xexo laha a nga joyina vandla ra ANC hi 2020. Hi n’hweti ya khotavuxika 2023, Mayengani u tivisile leswaku u pfula vandla ra yena ra tipolotiki ra AADP (Action Alliance Development Party).